وزیر قانون پنجاب راجہ بشارت نے کہا ہے کہ عوام کے جان و مال کے نقصان پر شدید دکھ پہنچا ہے۔

تفصیلات کے مطابق وزیر قانون پنجاب راجہ بشارت نے ہرنائی زلزلے میں قیمتی جانوں کے نقصان پر اظہارِ افسوس کرتے ہوئے کہا ہے کہ اللہ تعالیٰ زلزلے میں جاں بحق افراد کی مغفرت فرمائے۔

وزیر قانون پنجاب راجہ بشارت کا کہنا ہے کہ عوام کے جان و مال کے نقصان پر شدید دکھ پہنچا ہے۔

وزیر قانون پنجاب راجہ بشارت نے کہا ہے کہ ہم مصیبت کی اس گھڑی میں بلوچی بھائیوں کے ساتھ کھڑے ہیں اور زخمیوں کی جلد صحتیابی کے لیے دعا گو ہیں۔

 واضح رہے کہ بلوچستان کے مختلف علاقوں کوئٹہ، سبی، ہرنائی، پشین، قلعہ سیف اللہ ، چمن، زیارت اور ژوب سمیت اور کئی علاقوں میں رات 3 بج کر 2 منٹ پر زلزلے کے شدید جھٹکے محسوس کیے گئے ہیں۔

خیال رہے کہ بلوچستان کے مختلف علاقوں میں شدید زلزلے سے 21  افراد جاں بحق اور 250 سے زائد زخمی ہوگئے ہیں۔