صوبائی وزیر صحت ڈاکٹریاسمین راشد نے کہا ہے کہ عمران خان عوام کی بہتری کیلئے اقدامات کررہے ہیں۔

تفصیلات کے مطابق صوبائی وزیر صحت ڈاکٹریاسمین راشد نے این اے 125کی یوسی 55میں سیوریج کے بڑے منصوبے کا افتتاح کردیا ہے۔

ذرائع نے بتایا ہے کہ بڑے منصوبے کا افتتاح  کے موقع پر میاں حامد محمود ،جاوید اکرم ٹونی،چیئرمین عبدالغفورپپو،شہزادنمبردار،میاں ندیم،رانا نسیم ودیگر کارکنان کے علاوہ واسااور ایل ڈبلیوایم سی کے افسران موجود تھے۔

ذرائع نے بتایا ہے کہ بڑے منصوبے کا افتتاح  کے موقع پر کارکنان نے وزیر صحت ڈاکٹریاسمین راشد کا پھولوں کی پتیوں سے استقبال کیا ہے۔

افتتاح  کے موقع پر صوبائی وزیر صحت ڈاکٹریاسمین راشد نے کہا ہے کہ این اے 125 کی یوسی55 میں سیوریج کا منصوبہ حکومت کی جانب سے عوام کیلئے تحفہ ہے، یوسی55میں سیوریج کے منصوبہ کے بعد لاکھوں رہائشیوں کو صاف پانی کی سہولت حاصل ہوگی۔

صوبائی وزیر صحت ڈاکٹریاسمین راشد کا کہنا ہے کہ یوسی55میں سیوریج کا نیا نظام اہل علاقہ کاعرصہ درازسے درینہ مطالبہ تھا، وزیراعظم عمران خان اور وزیراعلی پنجاب سردارعثمان بزدارعوام کو بنیادی ضروریات زندگی کی فراہمی میں پیش پیش ہیں، وزیراعظم عمران خان کے سپاہی ہونے کے ناطے پنجاب کی عوام کو صحت کے شعبہ میں ریلیف دے رہے ہیں، عمران خان پہلے دن سے عوام کی بہتری کیلئے اقدامات کررہے ہیں، عمران خان نے عوام کی بہتری کے اقدامات کرکے اپنے آپ کو عوامی لیڈرثابت کیا ہے۔

صوبائی وزیر صحت ڈاکٹریاسمین راشد نے کہا ہے کہ تحریک انصاف کی حکومت عوام کا پیسہ عوام پر خرچ کرنے پر مکمل یقین رکھتی ہے، پنجاب کی عوام کو سات اسٹیٹ آف دی آرٹ مدراینڈ چائلڈ ہسپتال دے رہے ہیں، حکومت عوام کی فلاح وبہبود کیلئے ہراقدام اٹھائے گی، تحریک انصاف کی حکومت ہی پاکستانی عوام کو معاشی بحرانوں سے نکال سکتی ہے۔