پاکستان پیپلز پارٹی کے چیئرمین بلاول بھٹو زرداری کا کہنا ہے کہ پاکستان پیپلز پارٹی مبنی معاشرے کے قیام کیلئے اپنی جدوجہد جاری رکھے گی۔

تفصیلات کے مطابق پاکستان پیپلز پارٹی کے چیئرمین بلاول بھٹو زرداری نے پارٹی کے سرکردہ رہنما مرحوم راشد حسین ربانی کی پہلی برسی پر پیغام دیتے ہوئے کہا کہ مرحوم راشد حسین ربانی پرعزم و ثابتقدم جیالا اور عاجزی پسند شخصیت کے مالک تھے۔

پی پی پی چیئرمین نے مرحوم راشد حسین ربانی کو ان کی پہلی برسی پر خراج عقیدت پیش کرتے ہوئے کہا کہ مرحوم راشد حسین ربانی جمہوریت کے لئے انتھک جدوجہد اور قربانیوں کے باعث یاد کیے جائیں گے۔

بلاول بھٹو زرداری نے کہا کہ مرحوم پوری زندگی سیاسی طور متحرک اور ہر لمحہ پارٹی کے لئے سرگرم رہے۔

انہوں نے کہا کہ پاکستان پیپلز پارٹی ملک میں حقیقی جمہوریت اور مساوات پر مبنی معاشرے کے قیام کے لئے اپنی جدوجہد جاری رکھے گی۔

پاکستان پیپلز پارٹی کے چیئرمین بلاول بھٹو زرداری نے مزید کہا کہ یہ ہی وہ کاز ہے جس کی خاطر پارٹی کی قیادت اور مرحوم راشد حسین ربانی جیسے جیالوں نے قربانیاں دیں اور اپنی زندگیاں وقف کر رکھی تھیں۔