شائقین کرکٹ کے لیے اچھی خبر سامنے آگئی ہے۔

تفصیلات کے مطابق انٹرنیشنل کرکٹ کونسل (آئی سی سی) کی جانب سے ٹی ٹوئنٹی ورلڈ کپ کے مزید ٹکٹس فروخت کے لیے جلد پیش کیے جارہے ہیں، پاک بھارت سمیت تمام میچز کے مزید شائقین اسٹیڈیم آکر میچ دیکھ سکیں گے۔

واضح رہے کہ آئی سی سی نے ابتدائی طور پر 70 فیصد تماشائیوں کو اسٹیڈیم میں داخلے کی اجازت دی تھی، ورلڈ کپ میچز کے مزید ٹکٹس کی فروخت آج سے شروع ہوگی، میچ وینیوز پر کوویڈ پروٹوکولز پر عملدرآمد کو سختی سے یقینی بنایا جائے گا۔

خیال رہے کہ   ٹی ٹوئنٹی ورلڈ کپ 17اکتوبر سے متحدہ عرب امارات اور عمان میں شروع ہو گا، پاکستان اپنا پہلا میچ روایتی حریف بھارت کے خلاف کھیلے گا۔

آئی سی سی کے مطابق پاکستان اپنا دوسرا میچ 26اکتوبر کو نیوزی لینڈ کے خلاف کھیلے گا، قومی کھلاڑی اپنے تیسرے میچ میں 29 اکتوبر کو افغانستان کے مدمقابل ہوں گے۔