مشہورِ زمانہ رومانین میوزک بینڈ ’ایکسنٹ‘ کے گلوکار ایڈرین سینا کو بھی پاکستان کی چائے’فینٹیسٹک‘لگی۔

کچھ دنوں پہلے پاکستان کے شمالی علاقوں کی سیر پر آنے والے رومانین میوزک بینڈ ’ایکسنٹ‘ کے ایڈرین سینا نے فوٹو اینڈ ویڈیو شیئرنگ ایپ انسٹاگرام پراپنے دورۂ پاکستان سے مختلف خوبصورت تصاویر شیئر کی ہیں۔

انسٹاگرام پر پوسٹ کی جانے والی تصاویر میں ایڈرین سینا پاکستان میں موجود قدرت کے خوبصورت نظاروں سے محظوظ ہوتے دیکھا جاسکتا ہے۔

جبکہ اپنی ایک انسٹا پوسٹ میں انہوں نے چائے پیتے ہوئے اپنی کچھ تصاویربھی شیئر کی ہیں۔

گلوکار نے تصاویر شیئر کرتے ہوئے کیپشن میں لکھا کہ یہاں ہنزہ میں ایک فینٹیسٹک نظارے کے ساتھ فینٹیسٹک چائے کا کپ۔

ویسے تو گلوکار کی پاکستان سے شیئر کی گئی تمام تصاویرکو ہی مداحوں نے بہت پسند کیا، لیکن صارفین کی جانب سے گلوکار کی اس پوسٹ پر بہت دلچسپ تبصرے کیے جارہے ہیں۔

ایک صارف نے اس پوسٹ پر کمنٹ کرتے ہوئے لکھا کہ اس پوسٹ پر کوئی انڈین نہیں ہے۔

ایک اور صارف نے لکھا کہ ہماری چائے ہے ہی بہت مشہور انڈیا والوں کو بھی پلائی تھی۔