قومی ایئرلائن (پی آئی اے) نے ایک اور بڑا اعزاز اپنے نام کرلیا ہے۔

پی آئی اے کے سی ای او ایئر مارشل ارشد ملک کا کہنا ہے کہ پی آئی اے کو عالمی سیفٹی معیار کی بین الاقوامی ایئر لائنز میں شامل کر دیا گیا ہے۔ پی آئی اے نے یورپی ایوی ایشن واچ ڈاگ سے ’پرفیکٹ‘ سیفٹی ریٹنگ کا بڑا اعزاز حاصل کرلیا ہے۔

ایئرمارشل ارشد ملک نے کہا کہ یورپی ایوی ایشن کی سیفٹی اسیسمنٹ آف فارن ایئر کرافٹ (سافا) نے پاکستان انٹرنیشنل ایئر لائنز (پی آئی اے) کے حفاظتی معیارات پر اطمینان کا اظہار کردیا۔

ان کا کہنا ہے کہ پی آئی اے نے حفاظتی خطرات کے انڈیکس کو صفر تک کم کر دیا، پاکستان انٹرنیشنل ایئرلائنز (پی آئی اے) نے یورپی ایوی ایشن واچ ڈاگ کے حفاظتی اہداف حاصل کرلیا ہے۔

سی ای او پی آئی اے نے کہا کہ سافا سے دیئے گئے صفر حفاظتی انڈیکس نے قومی فضائی کیریئر کو محفوظ ترین آپریٹنگ ریکارڈ رکھنے والی بہترین عالمی ایئر لائنز میں شامل کر دیا۔ سافا کی جانب سے یورپ، کینیڈا اور خلیج میں کمرشل طیاروں کی لینڈنگ کا معائنہ باقاعدگی سے کیا جاتا ہے۔

 سی ای او ایئر مارشل ارشد ملک نے مزید کہا کہ پی آئی اے نے تاریخ میں پہلی بار ہدف حاصل کرلیا، پی آئی اے کے لیے سیفٹی انڈیکس کی عالمی ریٹنگ بڑا اعزاز ہے