پاکستان اسٹاک ایکسچینج میں کاروباری ہفتے کے دوسرے روز انڈیکس میں زبردست اتار چڑھاؤ ریکارڈ کیا گیا ہے۔

اسٹاک ایکسچینج (پی ایس ایکس) میں کاروباری ہفتے کے دوسرے روز انڈیکس میں کمی کے باعث 100 انڈیکس میں 126 پوائنٹس کمی ریکارڈ کی گئی۔

دن کے آغاز پر 100 انڈیکس میں 126 پوائنٹس کمی ریکارڈ کی گئی ہے، جس کے بعد انڈیکس 45 ہزار 618 پوائنٹس کی سطح پر ٹریڈ کررہا ہے۔

گزشتہ روز پاکستان اسٹاک مارکیٹ میں منفی رجحان دیکھا گیا تھا، گزشتہ روز 100 انڈیکس 744 پوائنٹس پرگر گیا اور مارکیٹ کیپٹلائزیشن 104 ارب روپے کم ہوگئی تھی۔

8 سے 12 نومبر 2021 کے دوران 100 انڈیکس 1500 سے زائد پوائنٹس اضافے کے بعد 45 ہزار 749 پوائنٹس پر بند ہوا، ایک ہفتے کے دوران انڈیکس کی بلند ترین سطح 47 ہزار 443 اور کم ترین سطح 45 ہزار 716 پوائنٹس رہی تھی۔