سول ایو ی ایشن اتھارٹی کے سیفٹی آڈٹ کے معاملے پر عالمی ہوابازی ٹیم کراچی پہنچ گئی ہے۔

انٹر نیشنل سول ایوی ایشن آرگنائزیشن اکاوٴ کی 9 رکنی آڈٹ ٹیم کی سربراہی جنجیان کر رہے ہیں۔

 عالمی ہوابازی کے ادارے کے ٹیم ممبران قطر ائیرویز اور امارات ایرلائن کی پرواز سے پہنچے ہیں۔

9 رکنی ٹیم 10دسمبر تک سی اے اے کا مکمل آڈٹ کرے گی، عالمی ہوا بازی کی تنظیم سی اے اے کے اہم مختلف شعبہ جات ، کپتانوں کے لائسنس جاری کرنے والا نظام،ایئر نیوی گیشن ، ایئر وردیننس، ایروڈرومز، ایئر اسپیس اور مختلف ایئرپورٹس کا مکمل آڈٹ کرے گا۔

تفصیلات کے مطابق تنظیم ایئر کرافٹ ایکسیڈنٹ انویسٹی گیشن بورڈ کا بھی تفصیلی آڈٹ کرے گی، عالمی آڈٹ ٹیم کو پی آئی اے طیارہ حادثے کی تحقیقات سے متعلق بھی بریفنگ دی جائے گی، تنظیم پی آئی اے کے فلائٹ سیفٹی مانٹرنگ سمیت شعبہ انجینئرنگ کا بھی دورہ کرے گی

ذرائع کا کہنا ہے کہ اکاؤ ٹیم کو آج سی اے اے ہیڈکوارٹرز کراچی میں پری آڈٹ بریفنگ دی جائے گی، اکاؤ ماہرین کی ٹیم رامادا ہوٹل میں قیام کرے گی۔