پاکستان کرکٹ ٹیم کے سابق فاسٹ بولر اور سپر اسٹار شعیب اختر نے ٹی ٹوئنٹی  ورلڈکپ کے میچ میں انگلینڈ کے ہاتھوں جنوبی افریقہ کی شکست پر رد عمل دیا ہے۔

تفصیلات کے مطابق قومی کرکٹ ٹیم کے سابق فاسٹ باؤلر شعیب اختر نے سماجی رابطے کی ویبسائٹ ٹویٹر پر جاری اپنے بیان میں کہا کہ آئی سی سی ٹورنامنٹ میں جنوبی افریقہ کے لیے اداسی کا سلسلہ جاری ہے۔

ICC tournaments & sadness for South Africa continues.
Wins the match, but out of the tournament because of low NRR

— Shoaib Akhtar (@shoaib100mph) November 6, 2021

شعیب اختر کا کہنا تھا کہ جنوبی افریقہ میچ تو جیت گیا، مگر کم رن ریٹ (NRR) کی وجہ سے ٹورنامنٹ سے باہر ہوگیا ۔

واضح رہے کہ ٹی ٹوئنٹی ورلڈکپ کے سپر 12 مرحلے کے اہم میچ میں جنوبی افریقہ نے سنسنی خیز مقابلے کے بعد انگلینڈ کو 10 رنز سے شکست دے دی ہے۔

 شارجہ کرکٹ اسٹیڈیم میں کھیلے گئے اس میچ میں  انگلینڈ نے ٹاس جیت کر پہلے باؤلنگ کا فیصلہ کیا۔

جنوبی افریقہ نے مقررہ 20 اوورز میں 2 وکٹوں کے نقصان پر 189 رنز بنائے۔

جنوبی افریقہ کی جانب سے رسئی ون ڈر ڈوسن  94 رنز بنا کر ناقابل شکست رہے،ایڈن مارکرم 52 رنزبنا کر ناقابل شکست رہے جبکہ ڈی کاک نے 34 رنز کی اننگ کھیلی۔

انگلینڈ کی جانب سے معین علی اور عادل رشید نے 1،1 وکٹ حاصل کی۔

جنوبی افریقہ کی جانب سے دیے گئے 190 رنز کے ہدف کے تعاقب میں  انگلینڈ ٹیم مقررہ 20 اوورز میں 8 وکٹوں کے نقصان پر 179 رنز بنا سکی۔

جنوبی افریقہ کی جانب سے کاگیسو راباڈا نے  ہیٹ ٹرک کرتے ہوئے 3 وکٹیں حاصل کیں ،تبریز شمسی  اور پریٹورئس نے 2،2 کھلاڑیوں کو اؤٹ کیا جبکہ انرچ نورٹجے نے 1 وکٹ حاصل کی۔

کاگیسو راباڈا کی  آخری اوور میں شاندار ہیٹ ٹرک کی بدولت جنوبی افریقہ نے میچ جیتا۔

رسئی ون ڈر ڈوسن   کو 94 رنز کی شاندار اننگ کھیلنے پر میچ کا بہترین کھلاڑی قرار دیا گیا۔

واضح رہے کہ گروپ 1 سے آسٹریلیا اور انگلینڈ نے سیمی فائنل کے لئے کوالیفائی کر لیا ہے۔