سائنسدانوں نے ایک انوکھا وینٹی لیٹر تیار کر لیا ہے ۔

تفصیلات کے مطابق سعودی عرب کے سائنسدانوں نے ایسامختصر وینٹی لیٹر بنایا ہے جو ہوا سے آکسیجن جذب کرتا ہے۔

اس کی خاص بات یہ ہے کہ عام وینٹی لیٹرز کے برعکس اسے ہر وقت آکسیجن سلنڈر یا سینٹرل آکسیجن سپلائی سسٹم سے منسلک رکھنے کی ضرورت نہیں پڑتی بلکہ یہ اپنے اطراف کی ہوا جذب کرکے اس میں سے آکسیجن الگ کرکے مریض کو فراہم کرتا رہتا ہے۔

یہ وینٹی لیٹر جسے وینٹی بیگ کا نام دیا گیا ہے، خاص طرح کے سینسرز اور مصنوعی ذہانت والے مؤثر نظام سے لیس ہے۔

  انہیں استعمال کرتے ہوئے یہ مریض کی دھڑکنوں اور سانس کی رفتار کے علاوہ ان میں ہونے والی تبدیلیوں پر بھی مسلسل نظر رکھتا ہے۔