قومی کرکٹ ٹیم  کے آل راؤنڈرافتخار احمد نے کہا ہے کہ بنگلہ دیش کیخلاف پی ایس ایل اور نیشنل ٹی ٹونٹی جیسی عمدہ کارکردگی کا تسلسل برقرار رکھنے کی کوشش کروں گا۔

تفصیلات کے مطابق دورہ بنگلہ دیش کیلئے قومی ٹیم میں شامل ہونے والے آل رائونڈرافتخار احمد نے کہا ہے کہ لڑکوں کا اعتماد بلند ہے،ہمیشہ بنگلہ دیش میں کرکٹ کھیلنا انجوائے کرتا ہوں۔

قومی ٹیم کے آل راؤنڈرافتخار احمد نے کہا کہ قومی اسکواڈ کو جوائن کرلیا ہے، لڑکوں کا اعتماد بلند ہے،ہمیشہ بنگلہ دیش میں کرکٹ کھیلنا انجوائے کرتا ہوں،یہاں کی عوام کرکٹ سے بہت پیار کرتی ہے۔

ان کا کہنا تھا کہ اس مرتبہ بھی ایئرپورٹ سے نکلے تو عوام نے بھرپور استقبال کیا۔

قومی ٹیم کے آل راؤنڈرافتخار  کا مزید کہنا تھا کہ  بنگلا دیش میں اسپن اور سلو کنڈیشنز ہوتی ہیں۔