بالی ووڈ کی اداکارہ کترینہ کیف نے اپنے ہونے والے شوہر اور اداکار وکی کوشل کے ہمراہ اپنے نئے گھر کا دورہ کر لیا۔

غیر ملکی خبر رساں اداراے کے مطابق وکی کوشل نے اپنی ہونے والی اہلیہ کترینہ کیف کے لیے نیا اپارٹمنٹ خرید لیا ہے جہاں تزئین و آرائش کا کام جاری ہے۔

تاہم اپارٹمنٹ میں سجاوٹ اور تزئین و آرائش تیزی سے کی جا رہی ہے اور توقع ہے کہ وکی اور کترینہ دسمبر میں کسی وقت اپنے نئے گھر میں شفٹ ہوجائیں گے۔

ذرائع کے مطابق کترینہ کیف اپنے ہونے والے شوہر وکی کوشل کے ہمراہ اپارٹمنٹ آتی ہیں اور کبھی اکیلی بھی آکر کام کا جائزہ لیتی ہیں۔

اس گھر کی خاص بات یہ ہے کہ یہ ایک ایسی عمارت ہے جہاں پوری منزل صرف ایک خاندان کو دی جاتی ہے لیکن اس بار  وکی کوشل اور کترینہ کیف آٹھویں منزل پر رہائش اختیار کریں گے۔

 توقع کی جارہی ہے کہ کترینہ کیف اور وکی کوشل رواں سال دسمبر میں رشتۂ ازدواج میں منسلک ہوجائیں گے جبکہ اُن کی شادی راجستھان میں ہونے کا امکان ہے۔