کراچی میں اسٹریٹ کرائم کی وارداتوں کا سلسلہ جاری ہے۔

تفصیلات کے مطابق بھینس کالونی میں بھوسہ منڈی کے قریب موٹر سائیکل سوار 6 ملزمان نے بیوپاری کو اسلحہ کے زور پر گھیر لیا، واردات کی سی سی ٹی وی ویڈیو سامنے آگئی ہے۔

سی سی ٹی وی فوٹیج میں دیکھا جاسکتا ہے کہ ملزمان نے بیوپاری سے 5 لاکھ روپے سے زائد کی رقم لوٹ لی۔

فوٹیج میں یہ بھی دیکھا جاسکتا ہے کہ ملزمان نے بڑے اطمینان سے سیکنڈوں میں واردات کی اور باآسانی فرار ہوگئے۔

خیال رہے کہ واقعہ کا تاحال مقدمہ درج نہیں کیا گیا ہے۔

واضح رہے کہ بھینس کالونی میں یومیہ کروڑوں روپے کا کاروبار ہوتا ہے مگر نفری کی کمی اور گشت نے بیوپاریوں کو غیر محفوظ کردیا ہے۔