کراچی  میں  چینی کی قیمتوں کو پر لگ چکے ہیں۔

تفصیلات کے مطابق شہر میں  چینی 140 سے 150 روپے کے درمیان فروخت کی جارہی ہے۔

لیاقت آباد میں چینی کی قیمت 140 سے 145 روپے فی کلو ہے جبکہ طارق روڈ اورڈیفینس سوسائٹی میں چینی کی قیمت 150 روپے فی کلو ہے۔

واضح رہے کہ گزشتہ چند روز میں چینی کی قیمت ملک کی تاریخ کی بُلند ترین سطح پر پہنچ گئی ہے،ملک بھر میں چینی کے ذخائر 1 لاکھ 20 ہزار میٹرک ٹن رہ گئے ہیں۔

   اعداد و شمار کے مطابق اکتوبر میں مہنگائی میں 1.90 فیصد اضافہ ریکارڈ کیا گیا ، اکتوبر 2020ء کے مقابلے میں اکتوبر 2021ء کے دوران مہنگائی کی شرح 9.19 فیصد رہی جبکہ   جولائی تا اکتوبر 2020ء کے مقابلے میں جولائی تا اکتوبر 2021ء مہنگائی 8.74 فیصد رہی۔

ایک سال میں گھی 43 فیصد، مسٹرڈ آئل 41.92 ، خوردنی تیل 40 فیصد ، چکن 34.69 فیصد، دالیں اور گوشت 17، آٹا 12.97 فیصد مہنگا ہوا۔