ایران نے ویانا جوہری مذاکرات بحال کرنے کا اعلان کر دیا ہے۔

تہران (شِنہوا) ایران کے سینیئر جوہری مذاکرات کار علی بغیری کانی نے کہا ہے کہ مشترکہ جامع پلان آف ایکشن ( جے سی پی او اے) کے نا م سے معروف2015 جوہری معاہدے کی بحا لی کے لئے ویانا جوہری مذاکرات 29 نومبر سے دو بارہ شروع ہوں گے۔

علی بغیری کانی نے ٹوئٹ میں کہا کہ انریق مورا کے ساتھ فون پر ہونے وا لی گفتگو میں ہم نے اتفاق کیا ہے کہ ویانا میں 29 نومبر کو غیر قانونی اور غیر انسانی پابندیوں کے خاتمہ کے لئے مذاکرات شروع ہوں گے۔

بغیری کانی اور تہران اور برسلز میں یورپین ایکسٹرنل ایکشن سروس کے ڈپٹی سیکرٹری جنرل مورا کے مابین ملاقات کے بعد ایران اور یورپین یونین نے نومبر میں مذاکرات کی بحا لی پر اتفاق کیا ہے۔

ایران نے کہا ہے کہ پابندیاں ہٹانے کا معاملہ اور متعلقہ فریقوں کی جانب سے مشترکہ جامع پلان آف ایکشن پر مکمل عمل درآمد اور معاہدے کی عائد کردہ ذمہ داریاں اس بات چیت کا اہم ایجنڈا ہو گا جو ایران کی انتظامیہ میں تبدیلی کے بعد جون سے معطل ہے۔