کاؤنٹر ٹیررزم ڈیپارٹمنٹ پنجاب نے دہشت گردی کے خدشات کے پیش نظر صوبے کے مختلف علاقوں میں کارروائیاں کرتے ہوئے 6 دہشت گردوں کو گرفتار کرلیا ہے۔

کاؤنٹر ٹیررزم ڈیپارٹمنٹ پنجاب نے دہشت گردی کے خدشات کے پیش نظر انٹیلی جنس اداروں کی جانب سے ملنے والی اطلاعات کی روشنی میں مختلف شہروں میں 29 آپریشن کئے اور اس دوران 30 مشکوک افراد سے پوچھ گچھ کی گئی۔

سی ٹی ڈی نے کارروائیوں کے دوران مختلف تنظیموں سے تعلق رکھنے والے 6 دہشت گردوں کو حراست میں لے لیا ہے۔ گرفتار دہشت گردوں کی شناخت صغیر حسین، عبدالجبار، سفیان، کریم بخش، ذیشان علی، سید جعفر کے ناموں سے ہوئی ہے، ان کے قبضے سے گرفتار دستی بم، ڈیٹونیٹرز، جدید اسلحہ اور بھاری مقدار میں بارودی مواد بھی برآ٘مد ہوا ہے۔

واضح رہے کہ گزشتہ روز دہشت گردوں کی جانب سے ایف آئی اے، ایف بی آر اور نادرا ہیڈکوارٹرز سمیت دیگر ایم ملکی عمارات کو دہشت گردی کا نشانہ بنائے جانے کا الرٹ جاری کیا گیا تھا۔ جس کے بعد ملک بھر میں سیکیورٹی انتہائی سخت کردی گئی ہے۔ اہم عمارات اور تنصیبات پر تعنیات سیکیورٹی اہلکاروں کی تعداد بڑھا دی گئی ہے۔