گنیز ورلڈ ریکارڈز کے انسٹا گرام اکاؤنٹ کی جانب لنسی لنڈبرگ نامی ایک ریکارڈ ہولڈر کی ویڈیو شیئر کی ہے۔

اس ویڈیو میں دیکھا جاسکتا ہے کہ ریکارڈ ہولڈر لنسی لنڈبرگ نے اپنے بازو سے ایک منٹ میں سب سے زیادہ سیب کچل کر ریکارڈ بنایا۔

ویڈیو شیئرکرتے ہوئے بتایا  گیا ہے کہ لنسی لنڈبرگ نے ایک منٹ میں بازو سے 10سیب کچلےہیں۔

لِنسی کانساس میں پیدا ہونے والی ایک مضبوط خاتون ہیں جو اپنے اسٹیج کے نام ’ماما لو‘ سے بھی جانی جاتی ہیں۔

اس خاتون کے پاس ایک منٹ میں 5 ڈیک کارڈز پھاڑنے کا ریکارڈ بھی ہے۔

واضح رہے کہ گنیز ورلڈ ریکارڈز کے انسٹا گرام اکاؤنٹ کی جانب سےاکثر ایسی ویڈیوز شیئر  کی جاتی ہیں جن میں لوگوں کو مختلف ریکارڈ بناتے ہوئے دکھایا جاتا ہے۔