پبلک اکاؤنٹس کمیٹی (پی اے سی) نے گاڑیوں پر لاکھوں روپے کی اون منی کا نوٹس لے لیا ہے۔

پی اے سی رکن خواجہ آصف کا کہنا ہےکہ گاڑیوں پر ڈیڑھ سے آٹھ لاکھ روپے اون منی چل رہی ہے، آج بھی ملک میں تین بڑی کمپنیوں کی اجارہ داری ہے۔

رکن پی اے سی نے کہا کہ گاڑیاں بنانے والی کمپنیاں عوام سے پیسے لےکر بینک میں رکھتی ہیں، کار مینوفیکچرز عوام کے پیسے پر بینکوں سے منافع کما رہی ہیں۔

پی اے سی نے یوٹیلٹی اسٹورز پرغیر معیاری اشیاء کی فروخت پر بھی برہمی کا اظہار کیا جبکہ سیکرٹری وزارت صنعت و پیداوار کو اگلے اجلاس میں طلب کر لیا گیا ہے۔