قومی کرکٹ ٹیم کے کپتان بابر اعظم نے آسٹریلیا سے شکست کے بعد کہا کہ غلطیوں سے سیکھنے کی کوشش کریں گے۔

تفصیلات کے مطابق قومی کرکٹ ٹیم کے کپتان بابر اعظم نے آسٹریلیا سے سیمی فائنل میں شکست کا سامنا کرنے کے بعد اپنے بیان میں کہا کہ ہم نے پلان کے مطابق رنز بنائے تھے۔

کپتان بابر اعظم کا کہنا تھا کہ ٹورنامنٹ میں ٹیم کی مجموعی کارکردگی بہتر رہی ہے۔

ان کا کہنا تھا کہ اگر آخری اوور میں کیچ پکڑا جاتا تو میچ کا پانسہ  پلٹ سکتا تھا۔

واضح رہے کہ آسٹریلیا نے ٹی ٹوئنٹی ورلڈکپ کے دوسرے سیمی فائنل میں پاکستان کو سنسنی خیز مقابلے کے بعد شکست دے دی۔

ٹورنامنٹ کو فائنل آسٹریلیا اور نیوزی لینڈ کے درمیان اتوار کو کھیلا جائے گا۔