وزیر اعظم کے معاون خصوصی شہباز گل نے کہا ہے کہ جیو گروپ کے جرنلسٹوں نے پانامہ کی رپورٹ فخریہ پیش کی اور اب یہ فرمانا چاہ رہے ہیں کہ اُنہیں پانامہ کی سٹوری کرنے کے لیے اداروں نے حکم دیا تھا جس کے نتیجے میں میاں صاحب نااہل ہوئے۔

شہباز گل نے کہا کہ پہلے بھی نورانی صاحب اسی کیس میں نواز شریف کی بے گناہی کے بارے جھوٹی خبر دے کر معافی مانگ چکے ہیں۔

جیو گروپ کے جرنلسٹوں نے پانامہ کی رپورٹ فخر یہ پیش کی اور اب یہ فرمانا چاہ رہے ہیں کہ اُنہیں پانامہ کی سٹوری کرنے کے لیے اداروں نے حکم دیا تھا جس کے نتیجے میں میاں صاحب نااہل ہوئے

پہلے بھی نورانی صاحب اسی کیس میں نواز شریف کی بے گناہی کے بارے جھوٹی خبر دے کر معافی مانگ چکے ہیں۔ pic.twitter.com/aMG3KbVu9a

Advertisement

— Dr. Shahbaz GiLL (@SHABAZGIL) November 21, 2021

قبل ازیں صحافی احمد نورانی کی جانب سے سابق چیف جسٹس ثاقب نثار سے منسوب ایک آڈیو جاری کی گئی ہے، جس کی تردید جسٹس ریٹائرڈ ثاقب نثار کرچکے ہیں۔

جسٹس ریٹائرڈ ثاقب نثار کا کہنا ہے کہ میں نے بھی ابھی آڈیو سنی ہے یہ ایک فیبرکیٹڈ آڈیو ہے۔  مارکیٹ میں اس طرح کی چیزیں میرے خلاف لائی جا رہی ہیں۔

 سابق چیف جسٹس نے کہا کہ اللہ دیکھ رہا ہے میرے خلاف ایک منظم کمپین چلائی جارہی ہے۔

ان کا کہنا تھا کہ میرا کوئی قانونی چارہ جوئی کا ارادہ نہیں۔

خیال رہے کہ جسٹس ریٹائرڈ ثاقب نثار کا مبینہ آڈیو ٹیپ سامنے آیا تھا جس میں وہ کہہ رہے ہیں کہ عمران خان کی جگہ بنانے کیلئے نواز شریف کو سزا دینی ہو گی، مریم نواز کو بھی سزا دینی ہو گی۔

مبینہ آڈیو ٹیپ میں وہ کہہ رہے ہیں کہ اگرچہ مریم نواز کے خلاف کوئی کیس نہیں۔