حکومت  نے بین الاقوامی فلائٹ آپریشن  سے متعلق  بڑا فیصلہ کر لیا ۔

تفصیلات کے مطابق بین الاقوامی فلائٹ آپریشن 100فیصد بحال کرنے کا فیصلہ کر لیا گیا ہے، سی اے اے نے بین الاقوامی فلائٹ آپریشن  کی  بحالی کا نوٹم جاری کردیا۔

  سی اے اے  نے تمام فضائی کمپنیوں کو نوٹم جاری کر کے فیصلے سے آگاہ کردیا۔

سی اے اے کی جانب سے جاری  کردہ  نوٹم میں کہا گیا ہے کہ پاکستان کے تمام ایئرپورٹس سے بین الاقوامی پروازوں کا فلائٹ آپریشن مکمل طور بحال کردیا گیا ہے ، بین الاقوامی  فلائٹ آپریشن مکمل طور بحالی  10 نومبر کی رات 12 بجے سے ہوگا۔

یاد رہے کہ این سی او سی اجلاس میں سفری پابندیاں نرم کرنے اور بین الاقوامی پروازیں دوبارہ سے بحال کرنے سے متعلق فیصلہ کیا گیا تھا۔

نیشنل کمانڈ اینڈ آپریشن سینٹر کی سفارش پر حکومت نے گزشتہ روز  بین الاقوامی پروازوں کا فلائٹ آپریشن مکمل بحال کرنے کا فیصلہ کیا تھا۔

این سی او سی نے 5نومبر سے پاکستان آنے والےتمام مسافر کیلئے ویکسینیشن اور ‏‏6 سال اور زائد عمر کے مسافروں کو 72گھنٹے پہلے کا پی سی آر ٹیسٹ لازمی قرار دیا۔ این سی اوسی کے مطابق ملک میں آنے والا ایئرٹریفک 10نومبر سے پوری طرح فعال ہوگا، کورونا کےزیادہ کیسز پر ‏‏5 ممالک کوسی کیٹگری میں شامل کرلیاگیا ہے۔