جارح مزاج بیٹسمین عمر اکمل دو سال بعد قائد اعظم ٹرافی میں کھیلیں گے۔

نجی میڈیا کے مطابق دو سال سے قومی کرکٹ ٹیم سے ڈراپ جارح مزاج بیٹسمین عمر اکمل قائد اعظم ٹرافی میں حصہ لیں گے، انہیں بلوچستان کے اسکواڈ میں شامل کرلیا گیا۔

کرکٹ کے حلقوں کا کہنا ہے کہ پاکستان سپر لیگ کے سیزن سیون میں بھی عمر اکمل فرنچائزز کو دستیاب ہوں گے، اورممکنہ ڈرافٹنگ کا حصہ بن سکتے ہیں۔

قائداعظم ٹرافی کے اگلے مرحلے میں عمر اکمل ایکشن میں نظر آئیں گے۔

واضح رہے کہ عمر اکمل نومبر 2019 سے انٹرنیشنل کرکٹ اور دسمبر 2019 سے فرسٹ کلاس کرکٹ سے باہر تھے