کوئٹہ انٹر نیشنل ایئرپورٹ کا مین  رن وے دوبارہ تعمیر کے مراحل میں داخل ہوچکا ہے۔

ترجمان سی اے اے کے مطابق کوئٹہ کا مین رن وے آج 27 نومبر سے پروازوں کے لیے دستیاب نہیں ہوگا جبکہ ایئرپورٹ سے فلائٹ آپریشن جاری رکھنے کے لیے سیکنڈری رن وے استعمال ہوگا۔

ترجمان سی اے اے کا کہنا ہے کہ کوئٹہ انٹرنیشنل ایئرپورٹ کو پروازیں معطل کرنے سے متعلق سوشل میڈیا پر افواہیں گردش کر رہی ہیں لیکن یہ افواہیں درست نہیں ہیں۔

ترجمان سی اے اے کے مطابق کوئٹہ سے مقامی اور بین الاقوامی پروازیں جاری ہیں، لامحالہ کچھ ائیر لائینز نئی صورت حال کے مطابق اپنے آپریشنز میں تبدیلی کررہی ہیں۔

واضح رہے کہ پی آئی اے، سیرین ائیرلائن ، اور ائیر سیال پروازیں جاری رکھے ہوئے ہیں تاہم ائیر بلو نے 31 دسمبر 2021 تک اپنے آپریشنز معطل کردیے ہیں۔