مشیر خزانہ شوکت ترین نے کہا ہے کہ حکومت معاشرے کے تمام طبقات کے معیار زندگی کو بلند کرنے کے لئے پرعزم ہے۔

شوکت ترین سے میوچل فنڈز ایسوسی ایشن کے وفد کی ملاقات ہوئی جس میں ڈاکٹر امجد وحید نے پاکستان میں میوچل فنڈ انڈسٹری کا ایک جائزہ پیش کی۔

میوچل فنڈز ایسوسی ایشن کے وفد کی سربراہی چیئرمین ڈاکٹر امجد وحید کر رہے تھے۔

ملاقات میں ڈاکٹر امجد وحید نے کہا کہ میوچل فنڈ ایسوسی ایشن ملک میں بچتوں کو فروغ دینے اور بڑھانے کے لیے کام کر رہی ہے۔

ڈاکٹر امجد وحید کا مزید کہنا تھا کہ  میوچل فنڈز سرمایہ کاروں کی تمام اقسام کے لئے موزوں ہے، حکومتی ترقیاتی منصوبوں کے لئے یہ ممکنہ فنڈ جمع کرنے کا ذریعہ بن سکتا  ہے۔

مشیر خزانہ شوکت ترین نے وفد کو مشکلات کے حل کیلئے ہر ممکن سہولت اور تعاون کی یقین دہانی کرائی جبکہ مشیر خزانہ نے پاکستان میں میوچل فنڈ مارکیٹ کو فروغ دینے کے لیے بھرپور تعاون کا یقین دلایا۔

اس موقع پر شوکت ترین نے کیپیٹل مارکیٹ کی اہمیت پر  بھی روشنی ڈالی۔

شوکت ترین  کا کہنا تھا کہ حکومت معاشرے کے تمام طبقات کے معیار زندگی کو بلند کرنے کے لئے پرعزم ہے، حکومت پاکستان میں سرمایہ کاری کے مواقع کی حوصلہ افزائی کر رہی ہے۔

مشیر خزانہ شوکت ترین  کا مزید کہنا تھا کہ ملک میں بچت اور سرمایہ کاری کو متحرک کرنے کے لئے آگاہی پیدا کرنے اور میوچل فنڈ مارکیٹ تک رسائی بڑھانے کی ضرورت ہے۔