بھارتی سیلیبریٹی نورا فتیحی نے گانے کی شوٹنگ کے دوران بال بال بچ جانے کا انکشاف کیا ہے۔

غیر ملکی خبر رساں ادارے کے مطابق نورا فتیحی نے بتایا کہ گانے کی شوٹنگ کے دوران انہوں نے جو لباس زیب تن کیا تھا اس کی وجہ سے ان کا گلا گُھٹ گیا تھا۔

حالیہ انٹرویو کے دوران نورا فتیحی نے بتایا کہ ستیامیوا جیاتے 2 کے گیت ’کوسو کوسو‘ کی شوٹنگ کے دوران وہ مصیبت میں آگئی تھیں۔

انہوں نے بتایا کہ اس گانے کے لیے انہوں نے جو لباس پہنا اس کی وجہ سے گلے میں موجود ہار نے ان کے گلے کو دبا دیا۔

نورا نے یہ بھی بتایا کہ جب شوٹنگ ختم ہوئی اور انہوں نے جب اپنا کاسچیوم تبدیل کیا تو ان کے گلے پر اس ہار کے نشان تھے۔

تاہم اس دوران اُن کا گلا گُھٹنے سے بچا تھا، کیونکہ انہوں نے اس ڈریس کو پہنچ کر 6 گھنٹوں تک شوٹنگ میں حصہ لیا تھا۔

نورا فتیحی نے مزید بتایا کہ ان کا یہ تجربہ انتہائی خراب رہا تھا۔