ویسٹ انڈیز کرکٹ ٹیم کے دورہ پاکستان کے حوالے سے محمکہ داخلہ سندھ میں اہم اجلاس ہوا۔

تفصیلات کے مطابق اجلاس کی صدارت ایڈیشنل چیف سیکریٹری  داخلہ قاضی شاہد پرویز نے کی۔

ڈی آئی جی سیکیورٹی  مقصود احمد نے میچز کے دوران کئے جانے والے سیکیورٹی  انتظامات کے حوالے سے  شرکاء کوبریفنگ  دی۔

ڈی آئی جی سیکیورٹی  مقصود احمد  نے کہا کہ سیکیورٹی ڈویژن کے اہلکار بشمول ایس ایس یو کمانڈوز اور لیڈی کمانڈوز اور  دیگر قانون نافذ کرنے والے اداروں کے اہلکاروں کے ساتھ اہم مقامات پر ڈیوٹی سرانجام دیں گے۔

ان کا کہنا تھا کہ حساس مقامات پر شارپ شوٹرز بھی تعینات کیے جائیں گے۔

اجلاس میں   میچز کے پرامن انعقاد کو یقینی بنانے کے لیے تمام دستیاب وسائل بروئے کار لانے کا فیصلہ کیا گیا ہے۔

اجلاس میں ایڈیشنل آئی جی اسپیشل برانچ غلام نبی میمن، ایڈیشنل آئی جی آپریشنز امیر شیخ اور ڈی آئی جی سیکیورٹی مقصود احمد نے  شرکت کی۔

پولیس کے سینئر افسران ، آرمی، رینجرز اور پی سی بی کے حکام  نے  بھی اجلاس میں شرکت  کی۔