بالی ووڈ کے اداکار رنبیر کپور نے اہم انکشاف کر دیا۔

سوشل میڈیا انسٹا گرام پر اس وقت رنبیر کپور کے ایک انٹرویو سے لی گئی مختصر سی ویڈیو خوب وائرل ہو رہی ہے۔

وائرل ہونے والی ویڈیو میں اداکاراپنے پسندیدہ گانوں کی فہرست سے متعلق بات کر رہے ہیں۔

اداکار رنبیر کپور نے حالیہ انٹرویو میں بتایا کہ اُنہیں پاکستانی معروف اداکارہ ماہرہ خان پر فلمایا گیا گانا ’ظالما‘ بہت پسند ہے۔

میزبان کی جانب سے پسندیدہ گانوں کے پوچھے گئے سوال پر رنبیر کپور نے بتایا کہ اُنہیں انگریزی گانوں سمیت بالی ووڈ گانے بھی پسند ہیں جن میں ماہرہ خان پر فلمایا گیا گانا بھی شامل ہے۔

اداکار رنبیر کپور کا کہنا ہے کہ اُنہیں فلم ’رئیس‘ کا گانا ’ظالما‘ اور ہاف گرل فرینڈ کا گانا ’تھوڑی دیر اور ٹھہر جا‘ بہت پسند ہے۔

واضح رہے کہ فلم ہاف گرل فرینڈ کا گانا ’تھوڑی دیر اور ٹھہر جا‘ پاکستان کے معروف گلوکار فرحان سعید نے بھارتی گلوکارہ شریا گھوشال کے ساتھ مل کر گایا ہے۔