ٹی ٹوئنٹی ورلڈکپ کے سپر مرحلے  کے اہم میچ میں  نیوزی لینڈ نے افغانستان کو باآسانی 8 وکٹوں سے شکست دے دی ہے۔

تفصیلات کے مطابق  ابو ظہبی میں کھیلے گئے اہم میچ میں افغانستان نے ٹاس جیت  کر پہلے بیٹنگ کا فیصلہ کیا۔

افغانستان نے پہلے کھیلتے ہوئے مقررہ 20 اوورز میں  8 وکٹوں کے نقصان پر صرف 124 رنز بنائے۔

افغانستان کی جانب سے  نجیب اللہ زردان 73 رنز بنا کر نمایاں بیٹسمین رہے،گلبدین نائب 15 جبکہ کپتان محمد نبی نے 14 رنز بنائے۔

نیوزی لینڈ کی جانب سے ٹرینٹ بولٹ نے 3 وکٹیں حاصل کیں،ٹم ساؤتھی 2 جبکہ ایڈم مائلن،جیمس نیشام اور ایش سودھی نے 1،1 وکٹ حاصل کی۔

افغانستان کا دیا ہوا ہدف نیوزی لینڈ نے  19 اوور میں 2 وکٹوں کے نقصان پر حاصل کر لیا۔

نیوزی لینڈ کی جانب سے  کپتان کین ولیمسن 40 رنز بنا کر ناقابل شکست رہے،ڈیون کونوے36 رنز بنا کر 36 رنز بنا کر ناقابل شکست رہے جبکہ مارٹن گپٹل نے 28 رنز بنائے۔

افغانستان کی جانب سے مجیب الرحمان اور راشد خان نے 1،1 وکٹ حاصل کی۔

ٹرینٹ بولٹ کو 3 وکٹیں حاصل کرنے پر مین آف دی میچ کا ایوارڈ دیا گیا۔

نیوزی لینڈ نے اس فتح کے ساتھ ہی سیمی فائنل کے لئے کوالیفائی کر لیا ہے جبکہ بھارت سیمی فائنل کی دوڑ سے باہر ہو گیا ہے۔