پاکستان کی سپر ماڈل مشک کلیم نے شادی کا اعلان کردیا ہے۔

ماڈل مشک کلیم نے فوٹو اینڈ ویڈیو شیئرنگ ایپ انسٹا گرام پر اپنی شادی کے کارڈ کی تصویر شیئر کی ہے۔

انہوں نے اپنی شادی کا کارڈ شیئر کرتے ہوئے لکھا کہ الحمداللّٰہ، بیس دن بعد شادی ہے۔

سپر ماڈل کی شادی کے کارڈ پر دیکھا جاسکتا ہے کہ 15 دسمبر کو ان کے قریبی ساتھی نادر ضیاء کے ساتھ ان کا نکاح ہے۔

مشک کلیم نے کم عمری میں ہی ماڈلنگ کا آغاز کیا تھا اور اب تک کئی ایوارڈز بھی حاصل کر چکی ہیں۔

واضح رہے کہ مشک کلیم نے انسٹاگرام پر نادر ضیاء کے ساتھ اپنی چند  خوبصورت تصاویر بھی شیئر کی تھیں۔