فیصل آباد میں چینی کے نرخ ایک بار پھر آسمان سے باتیں کرنے لگے ہیں۔

تفصیلات کے مطابق فیصل آباد میں چینی فی کلو 130 روپے تک پہنچ گئی ہے جبکہ  چینی ڈیلرز دکانداروں کو  125 سے 126 روپے تک فی کلو چینی دے رہے ہیں۔

دوکاندار کا کہنا ہے کہ چینی ڈیلر سے مہنگی ملتی ہے تو ہم 130 روپے بیچتے ہیں سستی نہیں بیچ  سکتے۔

 دوکانداروں کے مطابق سرکاری نرخوں پر چینی دستیاب ہو تو ہم گاہکوں کو سستی چینی دینے کے لیے تیار ہیں ، چینی کا سرکاری نرخ 90 روپے ہے لیکن ڈیلر مہنگی چینی دیتے ہیں جس پر حکومت خاموش ہے۔

واضح رہے کہ  چینی کے بڑھتے ہوئے نرخ پر شہری پریشان ہیں جس کے باعث  شہریوں کی جانب سے حکومت سے چینی کے نرخ کنٹرول کرنے کی اپیل بھی کی گئی ہے۔