قومی سلامتی کےمشیرمعید یوسف کا کہنا ہے کہ افغانستان کو دوبارہ ترک کرنا غلطی ہوگی۔

اسلام آباد میں اقلیتی اسٹاف ڈائریکٹراورسینیٹ کی خارجہ تعلقات کمیٹی کرس سوچا کی سربراہی میں چار رکنی امریکی وفد سے ملاقات کرتے ہوئے انھوں نے کہا کہ پاکستان افغانستان کو دنیا میں ایک پرامن ملک بنانے کے لیےعالمی دنیا سے تعلقات بہترکرنے میں کوشاں ہے۔

نیشنل سیکیورٹی ایڈوائزرکا کہنا ہے کہ دنیا کوحکومت کے خاتمے اور پناہ گزینوں کےایک اور بحران کو روکنےکےلیے افغان طالبان کوتعمیری طورپرمصروف رکھنا ضروری ہےورنہ خطرات لاحق ہوں گے۔

انھوں نے کہا کہ پاکستان کا مؤقف ہے کہ اگرعالمی برادری سابقہ حکومت کے خاتمےکے بعد افغانستان کو ترک کر دیتی ہےتواس سے انسانی بحران پیدا ہوگا اورخطہ مزید عدم استحکام کا شکار ہو جائے گا۔ پاکستان ایک مستحکم اور پرامن افغانستان کے لیےدنیا کے ساتھ ہم آہنگی کر رہا ہے۔

ملاقات میں امریکی وفد کے ساتھ  پاکستان امریکا اسٹریٹجک تعلقات کو فروغ دینے کی اہمیت، اقتصادی تعاون، تجارت، علاقائی سلامتی اور افغانستان کی موجودہ صورتحال پرتبادلہ خیال کیا گیا۔

امریکی وفد نے افغانستان سے امریکی انخلاء اور منتقلی کے دوران افغان مہاجرین کی مدد میں پاکستان کے کردار کو سراہا۔