بھارت میں پاکستان سے نفرت کی انتہا کھیل کے میدان میں بھی نظر آئی جس میں پاکستان مخالف نعروں کی ایک ویڈیو سوشل میڈیا پر وائرل ہے۔

تفصیلات کے مطابق بھارتی شہر کانپور میں بھارت اور نیوزی لینڈ کے درمیان کھیلے جارہے ٹیسٹ میچ میں بھارتی تماشائیوں نے پاکستان سے نفرت کی انتہا کردی اور کھیل کے دوران نعرے بازی کی۔

بھارت شہریوں نے کھیل کو بھی نفرت کا آلہ بنایا ہوا ہے جس کا ثبوت بھارت نیوزی لینڈ ٹیسٹ میچ میں ’پاکستان مردہ باد‘ کے اسٹیڈیم میں لگتے ہوئے نعرے ہیں pic.twitter.com/4F4lbq5hHz

— Syed Aamir Hussain (@Syed0888) November 25, 2021

کانپور کے گرین پارک اسٹیڈیم میں کھیلے جارہے ٹیسٹ میچ کی ایک ویڈیو سوشل میڈیا پر وائرل ہے جس میں بھارتی ٹیم کی بیٹنگ کے دوران جہاں کمنٹیٹر اپنے تبصروں پرمصروف ہیں وہیں بیک گراؤنڈ پر بھارت کے حق میں اور پاکستان کے خلاف نعرے بازی کی آوازیں گونج رہی ہیں۔

اسٹیڈیم میں موجود تماشائی پاکستان مردہ باد کے نعرے لگارہے ہیں جنہیں ویڈیو میں با آسانی سنا جاسکتا ہے۔