چین کے صدر شی جن پنگ نے روس میں کوئلے کی کان میں ہونے والے حادثے پر روسی صدر ولادیمیر پوٹن سے تعزیت کا اظہار کیا ہے۔

خبر ایجنسی کے مطابق انہوں نےاپنے پیغام میں کہا کہ یہ جان کر بہت افسوس ہوا کہ کیمیرو ریجن کے شہر بیلوو میں کوئلے کی کان میں گیس کا دھماکہ ہوا اور اس سے بھاری جانی نقصان ہوا۔

چینی صدر نے چینی حکومت اور عوام کی جانب سےمتاثرین کے لئے گہری تعزیت اور زخمیوں سے دلی ہمدردی کا اظہار کیا ہے،

واضح رہے کہ روس کے علاقے سائیبیریا میں کوئلے کی کان میں دھواں بھرنے سے 6 امدادی کارکنوں سمیت کل 52 افراد ہلاک ہو گئے ہیں ۔

جمعرات کو پیش آنے والا یہ واقعہ گزشتہ پانچ برسوں کے دوران ملک میں ہلاکت خیز حادثہ تھا۔

روس کے صدر ولادیمیر پوتن نے ہلاک ہونے والوں کے اہل خانہ سے اپنی گہری تعزیت کا اظہار کیا ہے ، کیمیرووو کے علاقے نے جمعہ سے اتوار تک تین روزہ سوگ کا اعلان کیا ہے۔