وزیراعظم عمران خان کے مشیر برائے خزانہ شوکت ترین کا کہنا ہے کہ کامیاب پاکستان پروگرام کے تحت غریب طبقے کو بنا سود کے بغیر قرضے دیے جائیں گے۔

کامیاب جوان کنونشن سے خطاب کرتے ہوئے شوکت ترین نے کہا کہ وزیراعظم کے ویژن کے تحت نوجوانوں کو اوپر لانا ہے۔ کامیاب جوان پروگرام کے تحت نوجوانوں کو 24 سے 26 ارب روپے دیے گئے ہیں۔

 انہوں نے کہا کہ کسی بھی قوم کا سب سے قیمتی اثاثہ ان کے نوجوان ہوتے ہیں، چین نے اپنے لوگوں پر سرمایہ کاری کی اور آج وہ دنیا کی دوسری بڑی طاقت ہے۔

وفاقی مشیر خزانہ نے کہا کہ کامیاب پاکستان پروگرام لارہے ہیں جس کے تحت کسانوں کو قرضے دیے جائیں گے۔

انہوں نے کہا کہ کامیاب پاکستان کے تحت ہر خاندان کے ایک فرد کو 5 لاکھ روپے تک کا قرضہ دیا جائے گا۔

شوکت ترین نے کہا کہ نچلے طبقے کے لیے آسانیاں پیدا کریں گے تاکہ وہ اپنے پاؤں پر کھڑے ہوسکیں۔

انہوں نے کہا کہ عثمان ڈار نے بہت اچھا کام کیا ہے ہم ان کے ساتھ ہیں۔