کراچی کے علاقے گلشن اقبال میں بند دفتر میں لوٹ مار کا واقعہ پیش آیا ہے۔

ذرائع کے مطابق ملزم نے تالے کاٹ کر واردات کی ہے، جس کی سی سی ٹی وی فوٹیچ بول نیوز نے حاصل کرلی ہے۔

سی سی ٹی وی فوٹیچ میں دیکھا جاسکتا ہے کہ ہاتھ میں اوزار لئے ملزم نے پہلی مہارت سے تالے کاٹے اور دفتر کے اندر ٹارچ کی مدد سے تلاشی لیتا رہا، ملزم نے دفتر سے لیپ ٹاپ اور نقد رقم چرالی۔

سی سی ٹی وی فوٹیچ میں ملزم کو واردات کرتے ہوئے واضح دیکھا جاسکتا ہے اور سامان اٹھاکر واپس جاتے بھی دیکھا جاسکتا ہے۔

متاثرہ دفتر کے مالک کا کہنا ہے کہ سی سی ٹی وی ویڈیو  کی مدد سے ملزم کو گرفتار کیا جائے۔