ویسٹ انڈیز ویمن کرکٹ ٹیم نے پاکستان ویمن کو دوسرے ایک روزہ میچ میں 37 رنز سے شکست دے دی ہے۔

تفصیلات کے مطابق نیشنل اسٹیڈیم میں کھیلے گئے اس میچ میں پاکستان ویمن ٹیم نے ٹاس جیت کر پہلے باؤلنگ کا فیصلہ کیا۔

ویسٹ انڈیز  کی ٹیم صرف  153 رنز بناسکی اور 46 ویں اوور میں آل آؤٹ ہو گئی۔

ویسٹ انڈیز کی جانب سے دیاندرا ڈوٹن 34 رنز بنا کر نمایاں بیٹسمین رہیں،ہیلے میتھیوس 26،کپتان اسٹیفینی ٹیلر 23 جبکہ شیمائن کیمپ بیلی 23 رنز بنا کر ناقابل شکست رہیں۔

پاکستان کی جانب سے انعم امین،فاطمہ ثناء اور عمائمہ سہیل نے 2،2 وکٹیں حاصل کیں جبکہ نشرہ سندھو اور سعدیہ اقبال نے 1،1 وکٹ حاصل کی۔

ویسٹ انڈیز کی جانب سے دیے گئے ہدف کے تعاقب میں پاکستان ویمن ٹیم  116 رنز پر ڈھیر ہوگئی۔

پاکستان کی جانب سے عمائمہ سہیل 27 رنز بنا کر نمایاں بیٹسمین رہیں،کپتان جویریا خان 24 جبکہ منیبہ علی اور فاطمپ ثناء نے 17،17 رنز بنائے۔

ویسٹ انڈیز کی جانب سے ہیلی میتھیوس نے 4 وکٹیں حاصل کیں،شمیلیا کونیل 3  جبکہ شکیرا سیلمن اور انیسہ محمد نے 1،1 وکٹ حاصل کی۔

ہیلی میتھیوس کو شاندار آل راؤنڈر پرفارمنس پر مین آف دی میچ کا ایوارڈ دیا گیا۔