پاکستان میں کلٹس کے نام سے مشہور گاڑی کا اپ ڈیٹ ورژن متعارف کرادیا گیا ہے جو کہ صارفین کو نہایت کم قیمت اور بہترین مائلیج فراہم کریگی۔

سوزوکی کمپنی کا اس گاڑی کے حوالے سے کہنا ہے کہ کلٹس سیکنڈ جنریشن کو 4 مختلف ورژنز میں پیش کیا گیا ہے جس میں ایل ایکس آئی، وی ایکس آئی، زی ایکس آئی اور زی ایکس آئی پلس شامل ہیں۔

سوزوکی کمپنی کے مطابق  گاڑی میں متعدد اپ ڈیٹس کی گئی ہیں اور یہ ایندھن کی بچت کے حوالے سے سب سے بہترین گاڑی ہے۔

کمپنی حکام کا کہنا ہے کہ گاڑی کے اندر نیا K10 انجن ہے اور کمپنی کا دعویٰ ہے کہ اس سے 26.68 کلو میٹر فی لیٹر مائلیج حاصل ہوتا ہے۔ یہ انجن 65 ہارس پاور فراہم کرتا ہے اور صارفین کے لیے مینوئل اور اے ایم ٹی ٹرانسمیشن کے آپشن دستیاب ہوں گے۔

کمپنی حکام کا مزید کہنا ہے کہ گاڑی کو فی الحال بھارت میں فروحت کے لئے پیش کردیا گیا ہے  جبکہ  گاڑی کی قیمت 5 لاکھ بھارتی روپے سے شروع ہوگی جو اس کا ایل ایکس آئی ماڈل ہوگا جبکہ سب سے بہتر زی ایکس آئی (اے ایم ٹی کے ساتھ) 6 لاکھ 94 ہزار بھارتی روپے میں فروخت کیا جائے گا۔