قومی کرکٹ ٹیم کے مایہ ناز باؤلر وہاب ریاض نے آئندہ ٹی ٹوئنٹی ورلڈکپ اور 2023 میں شیڈول کرکٹ ورلڈکپ کھیلنے کو ہدف بنالیا ہے۔

تفصیلات کے مطابق ایک انٹرویومیں وہاب ریاض نے کہاکہ پاکستان کے لیے کم بیک پر نظریں ہیں۔

انہوں نے بتایا کہ وہ مزید 3 سال ملک کے لیے کھیل سکتے ہیں، آئندہ برس ہونے والے ٹوئنٹی ورلڈکپ اور 2023 میں ہونے والے کرکٹ ورلڈکپ پر نظریں ہیں۔

وہاب ریاض نے کہا کہ دنیا بھر میں کرکٹ لیگز کھیل رہا ہوں مگر ملک کے لیے کھیلنا اولین ترجیح ہے،ٹیم کو کافی مس کر رہا ہوں، امید ہے محنت کا صلہ ملے گا۔

ملک میں کرکٹ کی واپسی پر بات کرتے ہوئے وہاب ریاض نے کہا کہ پی ایس ایل کی وجہ سے دنیا کو معلوم ہوا کہ پاکستان محفوظ ملک ہے۔