سپریم کورٹ نے تجوری ہائیٹس کا ملبہ اٹھانے اور نسلہ ٹاورانہدام سے متعلق تحریری حکم نامہ جاری کردیا

عدالت نے تجوری ہائٹس کا ملبہ اٹھانے کے لیے 20 دن کی مہلت دیتے ہوئے کمشنر کراچی کو ہدایت کی کہ تجوری ہائٹس گرانے احکامات پر عمل درآمد کریں۔

سپریم کورٹ نے ہدایت کی کہ تجوری ہائٹس کی زمین کا قبضہ کمشنرکراچی کے پاس رہے گا۔

تجوری ہائٹس کے وکیل نے ملبہ اٹھانے کے لیے عدالت سے 20 دن کی مہلت دینے مانگی تھی۔

نسلہ ٹاور انہدام کیس میں سپریم کورٹ نے 26 نومبر کی سماعت کا تحریری حکم نامہ جاری کرتے ہوئے کمشنر کراچی کو دو سو مزدوروں کی جگہ چار سو مزدور لگانے کی ہدایت کی ہے۔

سپریم کورٹ کے تحریری حکم نامے میں کمشنر کراچی کو نسلہ ٹاور ایک ہفتے میں گرانے اور اس عمل کو محفوظ بنانے کی ہدایت کی۔

سپریم کورٹ میں ملٹری لینڈ کمرشل مقاصد کے استعمال کے خلاف کیس کی سماعت میں عدالتی احکامات پر سیکریٹری ڈیفنس عدالت میں پیش ہوئے اورعدالت کو بتایا کہ تمام ملٹری لینڈ دفاعی مقاصد کے لیے استعمال کی جائیں گی۔

سپریم کورٹ نے سیکریٹری دفاع کو اپنا مؤقف تحریری طورپر 30 نومبر تک وپورٹ پیش کرنے کا حکم دے دیا۔ عدالت نے حکم دیا کہ تحریری بیان میں ملٹری لینڈ کا استعمال اور اس کی بحالی سے متعلق بتایا جائے۔