پاکستان اسٹاک ایکسچینج کے حوالے سے ہفتہ وار رپورٹ جاری کر دی گئی ہے۔

جاری کردہ رپورٹ کے مطابق پاکستان اسٹاک ایکسچینج میں کاروباری ہفتے میں رجحان منفی رہا، کاروباری ہفتے میں 100 انڈیکس 2375 پوائنٹس کم ہو کر 44114 پر بند ہوا ہے۔

رپورٹ کے مطابق کاروباری ہفتے میں 100 انڈیکس 2867 پوائنٹس کے بینڈ میں کاروبار ہوا، 100 انڈیکس کی کاروباری ہفتے میں کم ترین سطح 43734 رہی جبکہ 100 انڈیکس کی کاروباری ہفتے میں بلند ترین سطح 44333 رہی۔

اس کے علاوہ بازار میں ایک ہفتے میں 1 ارب 32 کروڑ شیئرز کے سودے ہوئے، شیئرز بازار کے ہفتہ وار کاروبار کی مالیت 52 ارب روپے رہی۔

واضح رہے کہ مارکیٹ کیپٹلائزیشن ہفتہ بھر میں 356 ارب روپے کم ہو کر 7587 ارب روپے ہے۔