پاکستان سپر لیگ سیزن سیون سے قبل پشاور زلمی نے اپنی سرگرمیوں کا آغاز کردیا ہے۔

پی ایس ایل سے قبل پشاور زلمی نئے ٹیلنٹ کی تلاش کریگا، پشاور زلمی کے زیر اہتمام تین روزہ ٹرائلز کا آج سے آغاز ہورہا ہے۔

پشاور زلمی کے ڈائریکٹر کرکٹ اور کوچ محمد اکرم ٹیلنٹ ہنٹ اور ٹرائلز لیں گے۔

پہلے مرحلے میں آج صوابی میں ٹرائلز لیے جائیں گے، کل جمرود اور پھر پیر کو پشاور میں ٹرائلز ہوں گے۔

پشاور زلمی صوابی اور جمرود کے ٹرائلز کی تمام اپڈیٹس تصاویر اور ویڈیوز فراہم کریگا جبکہ پیر کے روز پشاور زلمی کے ڈائریکٹر کرکٹ اور کوچ محمد اکرم میڈیا کو تفصیلات سے آگاہ کریں گے۔