خیبرپختونخوا فوڈ سیفٹی اتھارٹی کی جانب سے گڑ منڈی پشاور میں کامیاب کارروائی کی گئی ہے۔

تفصیلات کے مطابق کارروائی کے نتیجے میں فیکٹری سے ایک ہزار کلو سے زائد جعلی چائے کی پتی برآمد کرلی گئی ہے جبکہ جعلی پتی کی تیاری میں گڑ، سوڈا، مضر صحت رنگ اور استعمال شدہ چائے کی پتی استعمال کی جارہی تھی۔

 فوڈ سیفٹی اتھارٹی حکام کا کہنا ہے کہ چائے کی پتی کو نہایت ہی گندے فرش پر سوکھنے کے لیے رکھا گیا تھا جبکہ مضر صحت چائے کی پتی کو پشاور کے مختلف علاقوں میں سپلائی کیا جاتا تھا۔

واضح رہے کہ کارروائی میں جعلی چائے کی پتی کا یونٹ سیل کرکے مالکان کے خلاف مقدمہ درج کرلیا گیا ہے۔