کراچی میں آئی آئی چندریگر روڈ پر عمارت میں آگ لگ گئی ہے۔

تفصیلات کے مطابق فائر بریگیڈ کو آگ لگنے کی اطلاع مل گئی ہے فائر ٹینڈرز فوری روانہ کردیا گیا ہے۔

عینی شاہدین کا کہنا ہے کہ فائر ٹینڈرز تاحال آگ بجھانے کے لئے نہیں پہنچا ہے۔

فائر بریگیڈ حکام کا کہنا ہے کہ آئی آئی چندریگر روڈ پر قائم پی ٹی سی ایل کے دفتر میں چھت پر موجود سامان میں آگ لگ گئی ہے۔

عمارت کی چھت پر پی ٹی سی ایل کی تاریں اور دیگر سامان موجود ہے جس میں آگ لگنے کی اطلاع پر فائر ٹینڈرز کو بھیجا گیا ہے۔

آتشزدگی پر قابو پانے کے لئے 3 فائر ٹینڈرز آگ بجھانے میں مصروف ہیں، پانی کی کمی کا سامنا ہے، 2 مزید فائر ٹینڈرز آگ بجھانے کے لئے طلب کیے گئے ہیں۔

خیال رہے کہ آتشزدگی کے باعث کسی قسم کا جانی نقصان نہیں ہوا،عمارت سے کالا سیاہ دھواں اٹھ رہا ہے، دفتر میں موجود تمام عملہ محفوظ ہے۔

واضح رہے کہ آئی آئی چندریگر روڈ پر قائم پی ٹی سی ایل کے دفتر میں لگنے والی آگ بجھادی گئی ہے۔