پاکستان کی معروف اداکارہ زویا ناصر نے بھی فلموں کے ذریعے اسلاموفوبیا فروغ دینے والی بالی ووڈ انڈسٹری پر برہمی کا اظہار کر دیا۔

یاد رہے کہ اکشے کمار کی نئی فلم ’سوریاونشی ‘ باکس آفس پر تو دھوم مچا رہی ہے لیکن بہت سے لوگوں کے لیے اس فلم کے اسکرپٹ میں شاید ہی کوئی نئی یا حیران کن بات ہو۔

سوریا ونشی کی ریلیز کے ساتھ ہی بیشتر افراد تنقید کرتے نظر آرہے ہیں کہ اس فلم میں مسلمانوں اور پاکستان کی منفی تصویر کشی کی گئی ہے۔

اس فلم کے حوالے سے اداکارہ زویا ناصر نے اپنی انسٹا اسٹوری میں لکھا کہ اچھے اور برے لوگ دنیا میں ہر جگہ پائے جاتے ہیں، اسی طرح زبردستی مذہب بھی تبدیل کروائے جاتے ہیں۔

انسٹا اسٹوری پر اداکارہ زویا نے مزید لکھا کہ یہ دیکھنا بہت ہی افسوس ناک ہے کہ بالی ووڈ انڈسٹری نے یہ فیصلہ کرلیا ہے کہ فلموں میں کامیڈی کے نام پر اسلام مخالف مواد دِکھانا، بنا یہ سوچے کہ اس کے کیا اثرات ہوں گے۔

زویا ناصر نے لکھا کہ آپ اپنے اچھےباشعور لڑکوں کے ساتھ 100کروڑ کے کلب سے لطف اندوز ہوں۔

دوسری جانب مہوش حیات نے اکشے کمار نے بھی فلم سوریاونشی پر ناپسندیدگی کا اظہار کیا ہے۔

اداکارہ نے مائیکرو بلاگنگ ویب سائٹ ٹوئٹر پر بالی ووڈ کی نئی فلم سوریاونشی  پر ناپسندیدگی کا اظہار کرتے ہوئے کہا کہ سوریاونشی بالی ووڈ کی اسلامو فوبیا کو فروغ دینے والی تازہ ترین فلم ہے۔

“Sooryavanshi”is the latest film in Bollywood promoting islamophobia. The tide is turning in Hollywood & I hope that across the border they will also follow suit. As I’ve said, if not positive depictions,at least be fair in the way that you show Muslims. Build bridges not hatred! pic.twitter.com/DA7MUuVpKo

Advertisement

— Mehwish Hayat TI (@MehwishHayat) November 17, 2021

مہوش حیات نے لکھا کہ ہالی ووڈ میں رجحان بدل رہا ہے اور انہیں امید ہے کہ سرحد کے اس پار بھی لوگ اس کی پیروی کریں گے۔

انہوں نے آخر میں لکھا کہ فاصلہ کم کریں اور نفرتیں نہ پھیلائیں۔