اطالوی سیکریٹری جنرل برائے دفاع و نیشنل آرمامنٹ ڈائریکٹر کی سربراہ پاک فضائیہ ایئر چیف مارشل ظہیر احمد بابر سدھو سے ملاقات ہوئی۔

ترجمان پاک فضائیہ کی جانب سے جاری کردہ بیان کے مطابق اطالوی سیکریٹری جنرل برائے دفاع کی سربراہ پاک فضائیہ سے ہونے والی ملاقات کے دوران باہمی دلچسپی اور پیشہ ورانہ تعاون کے مختلف امور زیربحث آئے۔

ملاقات میں سربراہ پاک فضائیہ ایئر چیف مارشل ظہیر احمد بابر سدھو نے دونوں فضائی افواج کے مابین دو طرفہ تعاون کو فروغ دینے کے عزم کا اعادہ کیا اور کہا کہ دونوں ممالک کے درمیان خوشگوار تعلقات قائم ہیں۔

اٹلی کے سیکریٹری جنرل آف ڈیفنس لیفٹیننٹ جنرل لوسیانو پورٹولانو نے کہا کہ پاک فضائیہ کی پیشہ ورانہ مہارت اور خود انحصاری کے میدان میں ہونے والی غیر معمولی پیشرفت قابل تعریف ہے۔