مصر نے پاکستان کے 10 مذبح خانوں کو گوشت برآمد کرنے کی اجازت دے دی ہے۔

اس حوالے سے مشیر تجارت رزاق داؤد کا کہنا ہے کہ پاکستانی گوشت برآمد کرنے کی اجازت مصری وٹرنری ڈپارٹمنٹ نے تفصیلی آڈٹ کرنے کے بعد دی گئی ہے۔

انہوں نے پاکستانی میٹ پروسیسرز پر زور دیا کہ وہ اپنی بھرپور استعداد کے ساتھ اس موقع سے استفادہ کریں کیونکہ پاکستان کے میٹ سیکٹر میں برآمدات کے وسیع مواقع موجود ہیں۔

مشیر تجارت نے مزید کہا کہ جن پاکستانی میٹ پروسیسرز ذبیحہ خانوں کو مصر نے گوشت برآمد کرنے کی اجازت دی ہے ان میں پی کے لائیواسٹاک، فوجی میٹ، ٹاٹا بیسٹ فوڈ، دی آرگینک میٹ، الشہیر کارپوریشن، زینتھ ایسوسی ایٹ، تازیجی میٹ، عابدین انٹرنیشنل اور دیگر شامل ہیں۔