پاکستان شوبز ڈرامہ انڈسٹری کی معروف اور خوبرو اداکارہ اقرا عزیز نے اپنے شوہر یاسر حسین کا دل جیت لیا۔

اداکارہ اقرا عزیز نے یاسر حسین کے لیے اپنے تصدیق شدہ انسٹاگرام اکاؤنٹ پر خصوصی پوسٹ شیئر کی۔

انسٹاگرام اکاؤنٹ پر اقرا عزیز نے یاسر حسین کے ہمراہ لی گئیں اپنی دلکش تصاویر شیئر کیں۔

پوسٹ کی جانے والی تصویر میں اداکارہ نے یاسر حسین کے نام محبت بھرا کیپشن لکھا۔

اُنہوں نے لکھا کہ تھوڑی دیر سے لیکن آپ جانتے ہیں کہ میں آپ سے پیار کرتی ہوں، آپ کی تعریف کرتی ہوں اور آپ کا احترام کرتی ہوں کہ آپ کون ہیں اور آپ ہر روز کون بن رہے ہیں۔

اقرا عزیز نے لکھا کہ آپ ایک سُلجھے ہوئے آدمی، ایک بیٹے، ایک بھائی، ایک شوہر اور اب سب سے اہم باپ کی حقیقی مثال ہیں۔

اداکارہ نے یہ بھی لکھا کہ آپ اپنے خوابوں میں کامیاب ہوں۔

پوسٹ کے اختتام میں اداکارہ نے یاسر حسین سے اپنی محبت کا اظہار بھی کیا۔

واضح رہے اداکارہ اقرا انسٹاگرام پر تصاویر اور ویڈیوز پوسٹ کرتی رہتی ہیں۔