کیا ثانیہ مرز نے اپنی ٹانگوں کو جسم سے الگ کر دیا؟

پاکستان کرکٹ ٹیم کے آل راؤنڈر شعیب ملک کی اہلیہ اور بھارتی ٹینس اسٹار ثانیہ مرزا نے اپنی حالیہ پوسٹ سے مداحوں کو حیران کردیا ہے۔

تفصیلات کے مطابق بھارتی ٹینس اسٹار ثانیہ مرزا نے فوٹو اینڈ ویڈیو شیئرنگ ایپ انسٹاگرام پر اپنی نئی تصویر شیئر کی ہے۔

انسٹاگرام پر شیئر کی گئی تصویر میں ثانیہ مرزا کی ٹانگیں نظر آرہی ہیں جبکہ اُن کے ساتھ ایک پُتلا رکھا ہوا ہے۔

ثانیہ مرزا کے ساتھ رکھے ہوئے پتلے کی صرف ٹانگیں ہیں اور تصویر دیکھ کر ایسا لگ رہا ہے کہ جیسے اُنہوں نے اپنے جسم سے اپنی ٹانگیں الگ کردی ہیں۔

شعیب ملک کی اہلیہ نے اپنی تصویر کو ایک مزاحیہ کیپشن دیتے ہوئے لکھا کہ ’میں نے سوچا کہ میں اپنی ٹانگوں کو تھوڑا سا وقفہ دوں۔‘

ثانیہ مرزا کی تصویر پر مداحوں کی جانب سے دلچسپ تبصروں کا سلسلہ بھی جاری ہے۔