کل کے روز چاند کو گرہن لگے گا لیکن تب پاکستان میں دن کا وقت ہوگا۔

محکمہ موسمیات کے مطابق 19 نومبر کل یعنی جمعے کو رواں سال کا دوسرا جزوی چاند گرہن ہوگا جو پاکستان میں نہیں دیکھا جاسکے گا۔

پاکستانی وقت کے مطابق اس جزوی چاند گرہن کا آغاز دوپہر 12 بج کر 18 منٹ اور 42 سیکنڈ پر ہوگا اور یہ سہ پہر 3 بج کر 47 منٹ اور 4 سیکنڈ پر ختم ہوگا۔

اس کا دورانیہ 3 گھنٹے 28 منٹ اور 23 سیکنڈ ہوگا جو اسے اکیسویں صدی کا طویل ترین چاند گرہن بھی بنائے گا۔

ناسا کے مطابق اس گرہن میں چاند کا تقریباً 97 فیصد حصہ زمین کے سائے میں چھپ جائے گا۔

اس جزوی چاند گرہن کا نظارہ شمالی اور جنوبی امریکا، آسٹریلیا اور یورپ کے دیگر حصوں میں کیا جاسکے گا جبکہ ایشیا اور یورپ کے زیادہ تر حصوں اور شمالی و مغربی افریقہ میں بھی دیکھا جاسکے گا۔