13 ویں پاکستان پریمیئر فٹ بال لیگ میں آج مزید دو میچ  کھیلے جائیں گے۔

تفصیلات کے مطابق پہلے میچ میں پاکستان آرمی کا مقابلہ سوئی سدرن گیس کمپنی سے ہوگا جبکہ دوسرا میچ لائل پور کلب اور سوئی ناردرن گیس پائپ لائنز کی ٹیموں کے درمیان ہوگا۔

 لیگ میں ملک بھر سے 12 ٹیمیں نے ٹیمیں حصہ لے رہی ہیں جن میں دفاعی چیمپئن خان ریسرچ لیبارٹریز (کے آر ایل)، پاکستان آرمی، سوئی سدرن گیس کمپنی، پاکستان ایئر فورس، پاکستان سول ایوی ایشن اتھارٹی (پی سی سی اے)، مسلم کلب چمن، پاکستان نیوی، پاکستان واپڈا، سوئی نادرن گیس پائپ لائنز،لائل پور ایف سی، کراچی یونائیٹڈ اور ہما کلب اسلام آباد کی ٹیمیں شامل ہیں۔

واضح رہے کہ گزشتہ روز پاکستان پریمیئر فٹ بال لیگ میں پاکستان واپڈا اور مسلم کلب چمن کی ٹیموں کے درمیان میچ 1-1 گول سے برابر رہا تھا جبکہ کراچی یونائیٹڈ اور پاکستان سول ایوی ایشن اتھارٹی کی ٹیموں کے درمیان بھی میچ بغیر کسی گول کے برابر رہا تھا۔